नेकपामा जनसङ्गठनको एकतासँगै उत्साह

प्रकाशित मिति: ३ जेष्ठ २०७६, शुक्रबार १२:२५   सम्पादक: admin

प्रकाश सिलवाल र शरद शर्मा नेपाल कम्युनिष्ट पार्टी (नेकपा) ले विभिन्न जनसङ्गठनको नेतृत्व तहको एकतालाई पूर्णता दिएसँगै ती सङ्गठनले गति लिने भएका छन् । माऊ पार्टी एकता भएको एक वर्षसम्म एकता पूर्ण नहुँदा नेता कार्यकर्ता कामविहीन भएका थिए भने साङ्गठनिक र वैचारिक काममा निष्क्रियता छाएको थियो । पार्टी एकताको एक वर्ष र जननेता मदन भण्डारी र जीवराज आश्रितको २६औँ स्मृति दिवस मनाउन तत्कालीन नेकपा (एमाले) को पुरानो कार्यालय मदननगर, बल्खुमा आयोजित कार्यक्रममा ती नेतृत्वको नामावली सार्वजनिक गरिएको थियो । तत्कालीन एमाले र माओवादी केन्द्रबीच एक वर्षअघि पार्टी एकता भएको थियो । पार्टीनिकट रही विभिन्न क्षेत्र र पेशामा रहेका जनसङ्गठनहरुले पार्टी र सरकारमा राम्रा कामका बारेमा पनि सम्बन्धित क्षेत्रमा उचित सन्देश प्रवाह हुन नसकेको स्थितिमा नयाँ जिम्मेवारी पाएका संयोजक र सहसंयोजकले उक्त भूमिका निर्वाह गर्ने भएका छन् । ती सङ्गठनले आफ्ना केन्द्रीय कमिटीका लागि तोकिएको सङ्ख्याको मापदण्ड र विधि तय गरेर तल्ला कमिटीको एकताको जाने तयारी थालेका छन् । पार्टीका महासचिव विष्णु पौडेलले बिहीबार सम्पन्न सचिवालय बैठकको निर्णयअनुसार ती २१ जनसङ्गठनको नाम, संयोजक, सहसंयोजक र केन्द्रीय कमिटीको सङ्ख्या सार्वजनिक गर्नुभएको थियो । उहाँले संयोजक र सहसंयोजकको नाम घोषणा गरिरहँदा त्यहाँ उपस्थिति सम्बन्धित सङ्गठनका नेता कार्यकर्तामा उत्साह देखिएको थियो ।

अखिल नेपाल राष्ट्रिय विद्यार्थी सङ्गठनको संयोजक घोषणापछि ऐन महर, अखिल नेपाल महिला सङ्घको संयोजकमा अमृता थापालगायतलाई उहाँका कार्यकर्ताहरुले बल्खुमै अबिर र माला लगाएर बधाई दिएका थिए । जनसङ्गठनका नेतृत्व घोषणा हुने सूचनाले बिहान ८ नबज्दै बल्खुको उक्त पुरानो कार्यालयमा कार्यकर्ताहरुको भीड लागिसकेको थियो । प्रधानमन्त्री एवं पार्टीका अध्यक्ष केपी शर्मा ओली र अध्यक्ष पुष्पकमल दाहाल ‘प्रचण्ड’, वरिष्ठ नेता माधवकुमार नेपाल, झलनाथ खनाललगायत नेताहरु सहभागी हुने भएको पनि सुरक्षा र कार्यकर्ताको चहलपहल बढेको थियो । कार्यक्रम स्थलमा जान कार्यकर्ताको लाइन देख्दा विगतमा एमालेले दशैँ–तिहारका समयमा आयोजना गर्ने चियापानको झझल्को दिलाएको थियो । अनेरास्ववियुका संयोजक ऐन महरले आफूहरुलाई जिम्मेवारी दिइएसँगै सङ्गठनमा उत्साहको प्रवाह भएको बताउँदै दुवै तर्फबाट मिलाएर बताउँदै सङ्गठनका लागि निर्धारित २५१ केन्द्रीय कमिटी सदस्यको टुङ्गो लगाउने र तल्ला कमिटीको एकता प्रक्रियालाई पूर्णता दिने बताउनुभयो । उहाँले रासससँग भन्नुभयो, “विद्यार्थी सङ्गठनको औचित्य पुष्टि गर्ने र आकर्षण जगाउने काममा लाग्नुपर्छ । राजनीतिक, शैक्षिक र सामाजिक जागरणका साथै विकृतिको अन्त्य र राष्ट्रियताको पहरेदारीका लागि हामी लाग्नुपर्छ ।” उहाँले ‘जहाँ विद्यार्थी, त्यहाँ अनेरास्ववियु’ को नारालाई स्थापित गरिने पनि बताउनुभयो ।

तत्कालीन दुई विद्यार्थी सङ्गठनमा गरी ४४३ केन्द्रीय सदस्य रहेकामा पार्टी नेतृत्वले एकतापछि त्यसको सङ्ख्या घटाएको छ । सोही सङ्गठनका सहसंयोजक तोकिएका तत्कालीन अखिल (क्रान्तिकारी)का अध्यक्ष रञ्जित तामाङले भने सो जिम्मेवारीप्रति पुनःविचार गर्न शीर्ष नेतृत्वलाई आग्रह गर्ने जनाउनुभएको छ । तामाङले अस्वीकार गरेमा सुरेन्द्र बस्नेतलाई सहसंयोजक बनाउने पार्टीको तयारी छ । युवा सङ्घ नेपालका संयोजक रामप्रसाद सापकोटा ‘दीपशिखा’ ले नयाँ जिम्मेवारीसँगै एकतामा उत्साह थपिएकाले अब आगामी जेठभित्रमा केन्द्र, जिल्ला र प्रदेश कमिटीको टुङ्गो लगाउन एक कार्यदल गठन गरी मापदण्ड, विधि बनाएर काम गरिने जनाउनुभयो । उहाँले सङ्गठनको नामका विषयमा पनि आगामी दिनमा छलफल गरिने उल्लेख गर्नुभयो । यो सङ्गठनका लागि १५१ सदस्यीय केन्द्रीय कमिटी निर्धारण गरिएको थियो । यो सङ्गठनको सहसंयोजक रमेश पौडेल तोकिनुभएको छ । ट्रेड युनियन महासङ्घ नेपालका संयोजक विनोद श्रेष्ठले जनसङ्गठनको एकताले सकारात्मक सन्देश दिएकाले राजनीतिक एकतापछि आफ्नो सङ्गठनको कानूनी प्रक्रियासमेत पूरा गरेर तल्ला कमिटी र आबद्ध २० सङ्घको एकता पूर्णता दिई एक वर्षभित्र महाधिवेशन गरिने बताउनुभयो । उहाँले एकता पूर्ण भएपछि आफ्नो सङ्गठनमा साढे आठ लाख सदस्य रहने जानकारी दिनुभयो । यो सङ्गठनका लागि २५१ केन्द्रीय सदस्य सङ्ख्या तोकिएको छ ।

‘जनताको बहुदलीय जनवाद’ अवलम्बन गर्दै आएको तत्कालीन नेकपा (एमाले) र माओवाद एवम् ‘२१औँ शताब्दीको जनवाद’ अवलम्बन गर्दै आएको नेकपा (माओवादी केन्द्र) बीचको एकताबाट निर्मित नेकपाले संविधानको सर्वोच्चता, विधिको शासन, मानवअधिकार एवम् मौलिक हकको प्रत्याभूति, शक्ति पृथकीकरणको सिद्धान्त, बहुलतायुक्त खुला समाज, बहुदलीय प्रतिस्पर्धा, आवधिक निर्वाचन, जननिर्वाचित प्रतिनिधिहरूद्वारा सरकार सञ्चालन, प्रतिपक्षको संवैधानिक व्यवस्था, स्वतन्त्र न्यायपालिकालगायत आधुनिक लोकतन्त्रका विश्वव्यापी मूल्य–मान्यतामा प्रतिबद्धताका साथ एकीकृत भएको हो । नेकपाले मार्क्सवाद–लेनिनवादलाई मार्गदर्शक सिद्धान्त मानेको छ भने जनताको बहुदलीय जनवाद, एक्काइसौँ शताब्दीको जनवाद र माओवादका सम्बन्धमा वैचारिक बहस चलाउने भनेको छ । नेपालमा मार्क्स र लेलीनको सर्वहारा वर्गीय उत्थान तथा द्वन्द्वात्मक भौतिकवादको सिद्धान्तलाई पालना गर्दै २००६ वैशाख ९ गते पुष्पलालको नेतृत्वमा कम्युनिष्ट पार्टी स्थापना भएको थियो ।

तपाईको प्रतिक्रिया

प्रदेश नं २ का मुख्यमन्त्री लालबाबु राउतले विकास निर्माणका काममा एकजुट भएर अघि बढ्न स्थानीय तहका प्रमुखलाई.....

नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले भारतका प्राधनमन्त्री नरेन्द्र मोदी.....

: उद्योग वाणिज्य तथा आपूर्तिमन्त्री मातृकाप्रसाद यादवले तीन वटै तहका सरकारबीच समन्वय कायम हुनसके मात्र.....

नेपाल स्काउटको आयोजनामा नेपालमा पहिलोपटक १६ वर्षदेखि २६ वर्षसम्मका स्काउटमा लागेका युवाको भेला ‘रोभर मुट’.....

प्रदेश नं २ का मुख्यमन्त्री लालबाबु राउतले विकास निर्माणका काममा एकजुट भएर अघि बढ्न स्थानीय तहका प्रमुखलाई.....

काबुल, १० जेठ (रासस÷एएफपी) – राष्ट्रसंघले अफगानिस्तानमा गरिएका पछिल्ला हवाई आक्रमणमा कम्तीमा १४ जना सर्वसाधारण.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np