आमा समूहद्वारा पाहुना घर सञ्चालन

प्रकाशित मिति: ३० फाल्गुन २०७५, बिहीबार ०६:११   सम्पादक: admin

म्याग्दी, ३० फागुन (रासस) : म्याग्दीको अन्नपूर्ण गाउँपालिका–८ राम्चेमा महिलाको अगुवाइमा अथितिगृह सञ्चालन भएको छ । गाउँमा भित्र्ने पर्यटक र पाहुनालाई खाने बस्ने सुविधाका लागि राम्चे आमा समूहले सामुदायिक भवन निर्माण गरेर त्यहाँ अथितिगृह सञ्चालन गरेको हो । रु बीस लाखमा निर्माण भएको भवनमा गाउँमा भित्र्ने पाहुनालाई बसोबासको व्यवस्था मिलाइएको आमा समूहकी अध्यक्ष कमला पुनले बताउनुभयो । “पर्यटकको आवास सुविधाका साथै गाउँमा आयोजना हुने भोज र अन्य कार्यक्रमका लागि पनि यो भवनलाई प्रयोग गर्छौं”, अध्यक्ष पुनले भन्नुभयो “होमस्टेको अवधारणाअनुसार पाहुनाघर सञ्चालन गरिएको हो ।” दुई तले भवनको माथिल्लो तलामा २० जना बास बस्न सक्ने क्षमताको सात वटा कोठा छन् । तल्लो तलामा डाइनिङ, भान्छा कोठा र तालीम हल बनाइएको छ । राम्चे अन्नपूर्ण धौलागिरि सामुदायिक पर्यावरणीय र कर्बाकेली पदमार्गमा समेटिएको छ ।

 पाहुनाघरको आम्दानी समूहको कोषमा राखेर महिलाको आयआर्जन र सामाजिक गतिविधिमा परिचालन गरिने समूहकी सदस्य देवी गर्बुजाले बताउनुभयो । होटल तथा लजको सुविधा नभएको राम्चे भ्रमणमा जाने स्वदेशी तथा विदेशी पर्यटकलाई अतिथिगृह सञ्चालन भएपछि बास बस्न व्यक्तिका घर खोज्नु नपर्ने भएको छ । भवन निर्माणका लागि तत्कालीन जिविसले रु छ लाख पाँच हजार २८२ र राम्चे गाविसले रु सात लाख ५२ हजार ४०० अनुदान उपलब्ध गराएको थियो । २०७२ मा शुरु भएको भवन निर्माण कार्य यसै महीना सकिएको हो । भवन बनाउन छविलाल गर्बुजा, पिमबहादर गर्बुजा र हेमबहादुर गर्बुजाले जग्गा उपलब्ध गराउनुभएको थियो । जिविस र गाविसको अनुदानका अलावा स्थानीयवासी, देश र विदेशमा रहेका राम्चेवासीबाट चन्दा सङ्कलन गरेर भवनलाई पूर्णता दिइएको निर्माण समितिका संयोजक माया पुर्जाले बताउनुभयो । सामुदायिक वन समूहले रु ४० हजार बराबरको काठ उपलब्ध गराएको थियो । 

तपाईको प्रतिक्रिया

पर्वत, १२ चैत (रासस) : गण्डकी प्रदेशका मुख्यमन्त्री पृथ्वीसुब्बा गुरुङले विप्लव माओवादीको एजेण्डाविहीन.....

चितवन, १२ चैत (रासस): नेपाल कम्युनिष्ट पार्टी (नेकपा)का वरिष्ठ नेता एवं पूर्व प्रधानमन्त्री माधवकुमार नेपालले.....

काठमाडौँ, १० चैत (रासस) : प्रमुख निर्वाचन आयुक्त डा अयोधिप्रसाद यादवले आवधिक निर्वाचनको कार्यतालिका ऐन मै.....

गाजा सिटी, १२ चैत (रासस/एएफपी) – इजरायलले गाजा क्षेत्रमा हवाई आक्रमण गरेलगत्तै हमास समूहले इजरायल समक्ष.....

काठमाडौँ, १२ चैत (रासस) : सोमबार सामान्य अङ्कले सुधार आएको शेयर बजारमा आज पनि सोही क्रम जारी रह्यो । नेपाल स्टक.....

पर्सा, १२ चैत (रासस) : उद्योग, वाणिज्य तथा आपूर्तिमन्त्री मातृकाप्रसाद यादवले विगत डेढ दशकदेखि बन्द अवस्था रहेको.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np