बालबालिका योग्य नागरिक बन्नुपर्छ : मन्त्री विश्वकर्मा

प्रकाशित मिति: २९ फाल्गुन २०७५, बुधबार १०:१८   सम्पादक: admin

काभे्रपलाञ्चोक, २९ फागुन (रासस) : युवा तथा खेलकूदमन्त्री जगतबहादुर विश्वकर्माले आजका बालबालिका भविष्यको योग्य नागरिक बन्नुपर्ने बताउनुभएको छ । धुलिखेल नगरपालिका–६ बड्खेलमा आज सिद्धार्थ बालगृहको नवनिर्मित भवन उद्घाटन कार्यक्रममा भन्नुभयो, “भाइबहिनी तपाईँहरु असल नागरिक बनेर देशको सेवामा लाग्नुपर्छ, यसका लागि समयसापेक्ष राम्रो अध्ययन आवश्यक हुन्छ ।” उहाँले समाजलाई सकारात्मक दिशातर्फ लैजान पनि असल नागरिकको खाँचो रहेको बताउनुभयो । मन्त्री विश्वकर्माले बालबालिकाको प्रतिभा प्रष्फुटनमा अविभावकले उचित अवसर दिनुपर्ने बताउनुभयो । “मुलुकलाई अझै बहुआयमिक नागरिकको खाँचो छ”, उहाँले थप्नुभयो, “बालबालिकामा अन्तर्निहित प्रतिभा उजागर गरी बहुआयामिक बनाउनु जरुरी हुन्छ ।” मन्त्री विश्वकर्माले अप्ठेरोमा परेका बालबालिकाको अधिकार स्थापित गराउन प्रत्येक नेपाली सजग रहनुपर्ने बताउनुभयो । बालबालिकाको संरक्षणमा सबै पक्ष उत्तिकै लाग्नुपर्ने उहाँको भनाइ थियो । कार्यक्रममा प्रदेशसभा सदस्य लक्ष्मण लम्सालले अब स्वास्थ्य, शिक्षा र आवासबाट कोही पनि वञ्चित नहुने जिकिर गर्नुभयो । उहाँले भन्नुभयो, “आम नागरिकको स्वास्थ्य, शिक्षा र आवासको प्रत्याभूति राज्यको हो ।” 

गैरसरकारी संस्था महासङ्घ नेपालका महासचिव रामप्रसाद सुवेदीले संरक्षणविहीन बालबालिकाको विषयमा गम्भीर हुन र संरक्षणका नाममा विकृति फैलाउनेलाई कारवाही गर्न सरकारसँग आग्रह गर्नुभयो । बालबालिकाको निमित्त गैसस महासङ्घका अध्यक्ष मनोज कँडेलले गैससले असहाय बालबालिका संरक्षण गरी सहयोग गरेकोमा सरकार खुशी हुनुपर्ने बताउनुभयो । बालगृह महासङ्घका अध्यक्ष दुर्गादेवी मैनालीले नेपालका ५६३ बालगृहमा करीब २० हजार असहाय बालबालिका संरक्षित भएको जानकारी दिँदै ती बालबालिकाको जन्मदर्ता प्रक्रियामा राज्यको सहयोगको आवश्यकता औँल्याउनुभयो । कार्यक्रममा सिद्धार्थ बालगृहका अध्यक्ष सर्मिला श्रेष्ठले जर्मन हेल्प फाउण्डेशनको करीब रु पाँच करोडको सहयोगमा १८ कोठे भवन निर्माण गरिएको जानकारी दिनुभयो । उक्त बालगृहमा हाल ४८ जना बालबालिका संरक्षित छन् । 

तपाईको प्रतिक्रिया

प्रदेश नं २ का मुख्यमन्त्री लालबाबु राउतले विकास निर्माणका काममा एकजुट भएर अघि बढ्न स्थानीय तहका प्रमुखलाई.....

नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले भारतका प्राधनमन्त्री नरेन्द्र मोदी.....

: उद्योग वाणिज्य तथा आपूर्तिमन्त्री मातृकाप्रसाद यादवले तीन वटै तहका सरकारबीच समन्वय कायम हुनसके मात्र.....

नेपाल स्काउटको आयोजनामा नेपालमा पहिलोपटक १६ वर्षदेखि २६ वर्षसम्मका स्काउटमा लागेका युवाको भेला ‘रोभर मुट’.....

प्रदेश नं २ का मुख्यमन्त्री लालबाबु राउतले विकास निर्माणका काममा एकजुट भएर अघि बढ्न स्थानीय तहका प्रमुखलाई.....

काबुल, १० जेठ (रासस÷एएफपी) – राष्ट्रसंघले अफगानिस्तानमा गरिएका पछिल्ला हवाई आक्रमणमा कम्तीमा १४ जना सर्वसाधारण.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np