तनहुँलाई साहित्य पर्यटनको रुपमा विकास गरिने : वरिष्ठ नेता पौडेल

प्रकाशित मिति: २७ माघ २०७५, आईतवार १२:१३   सम्पादक: admin

काठमाडौँ, २७ माघ (रासस) : नेपाली काङ्ग्रेसका वरिष्ठ नेता रामचन्द्र पौडेलले तनहुँ जिल्लालाई साहित्य पर्यटनका रुपमा विकास गरिने बताउनुभएको छ । तनहुँको चुँदीमा जन्मनुभएका स्व लक्ष्मी पन्तको दोस्रो स्मृति दिवसका अवसरमा आज यहाँ आयोजित ‘स्व लक्ष्मी पन्त स्मृति ग्रन्थ विमोचन’ कार्यक्रममा उहाँले भानुभक्तको जन्मथलो चुँदीलाई साहित्य पर्यटनको रुपमा विकास गरिने बताउनुभयो । “भानुभक्त आचार्य, लेखनाथ पौडेल, माधवप्रसाद घिमिरेलगायतका साहित्यकार जन्माएको थलो गण्डकी र तनहुँलाई साहित्य पर्यटनका रुपमा विकास गर्ने मैले लक्ष्य राखेको छु”, उहाँले भन्नुभयो । नेता पौडेलले सांस्कृतिक, पर्यटकीय, धार्मिक, ऐतिहासिक महत्व बोकेको गण्डकी प्रदेशको विकासका लागि सबै लाग्नुपर्ने बताउनुभयो । उहाँले नेपालको प्रजातान्त्रिक आन्दोलनको छोटो समयमा नै लक्ष्मी पन्तले धेरै काम गरेको बताउनुभयो । नेता पौडेलले राजनीतिमा महिला सहभागिता न्यून भएको बेला पन्त एक उदाहरणका रुपमा काङ्ग्रेसको सङ्गठन विस्तारमा लागेको बताउनुभयो । काङ्ग्रेस केन्द्रीय सदस्य चिनकाजी श्रेष्ठले राजाले चलाएको प्रतिगमनको आन्दोलनमा स्व पन्तको महत्वपूर्ण भूमिका रहेको बताउनुभयो । “राजाको प्रतक्ष्य शासनकालमा विद्रोह गर्न सक्ने असल नारी पन्त हुनुहुन्थ्यो”, उहाँले भन्नुभयो । काङ्ग्रेस नेता रामचन्द्र पोखरेलले राजनीतिप्रति चासो, समाजसेवाप्रति रुचि र अध्यात्मप्रति आस्था राख्ने व्यक्ति स्व पन्त भएको बताउनुभयो । “राजनीतिमा आध्यात्म हुनुपर्छ भन्ने भावना स्व लक्ष्मी पन्तमा थियो”, उहाँले भन्नुभयो । 

पुस्तकका सम्पादक गौरी ढकालले पुस्तकले पन्तको समग्र जीवनलाई समेटेको बताउँदै लक्ष्मीको योगदान बुझ्न पुस्तक उपयोगी हुने बताउनुभयो । काङ्ग्रेस गोरखाका उपसभापति सुकदेव दवाडीले गोरखाको प्रजातान्त्रिक आन्दोलनमा स्व पन्तको महत्वपूर्ण योगदान भएको बताउनुभयो । वरिष्ठ राजयोग प्रशिक्षक कुसुम श्रेष्ठ र ब्रह्मकुमारी राजयोग सेवा केन्द्र ठमेलका प्रमुख रामसिंह ऐरले सामाजिक सुधार र आध्यात्मिक चेतनाको क्षेत्रमा स्व पन्तले काम गरेको बताउनुभयो । पन्तले सामाजिक र नेपाली राजनीति जीवनमा गर्नुभएको सङ्घर्षलाई आम जनमान समक्ष लैजान पुस्तक प्रकाशन गरिएको स्व पन्तका श्रीमान भोजराज पन्तले जानकारी दिनुभयो । स्व पन्त महिला सङ्घ गोरखाको नेत्री तथा काङ्ग्रेस महाधिवेशन प्रतिनिधिसमेत हुनुभएको थियो । विसं २०१४ भदौमा तनहुँको भानु नगरपालिकामा जन्मनुभएकी पन्तको विसं २०७३ माघ १९ श्रीपञ्चमीको दिनमा क्यान्सर रोगको कारण निधन भएको थियो । 

तपाईको प्रतिक्रिया

बुटवल, ३ फागुन (रासस) : प्रदेश स्थापनाको पहिलो वर्ष प्रदेश नं ५ मा आज स्थापना दिवस मनाइएको छ । गत वर्ष आजकै दिन.....

पोखरा, ३ फागुन (रासस) : नयाँ शक्ति नेपालका संयोजक एवं पूर्वप्रधानमन्त्री डा बाबुराम भट्टराईले जनअपेक्षाअनुरुप.....

– मोहम्मद सदरुल विराटनगर, २ फागुन (रासस) : प्रदेश नं १ का मुख्यमन्त्री शेरधन राईले सरकार स्थापना भएको छोटो अवधिमै.....

नयाँ दिल्ली, ३ फागुन (रासस/एएफपी) – भारत प्रशासित काश्मिरमा बिहीबार भएको भीषण आक्रमणमा संलग्न आतङ्ककारीलाई.....

–राजेन्द्रप्रसाद पनेरु कञ्चनपुर, ३ फागुन (रासस) : थारु समुदायको वैवाहिक परम्परामा आधुनिकता थपिदा यसको मौलिकता नै.....

कपिलवस्तु, ३ फागुन (रासस) : कपिलवस्तु जिल्लाको शिवराज नगरपालिकामा आयोजना गरिएको युवा सम्मेलन १६ बँुदे कपिलवस्तु.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np