तीन प्रदेशको ‘रिफर हब सेन्टर’ भेरी अस्पताल

प्रकाशित मिति: २२ पुष २०७५, आईतवार ०९:३७   सम्पादक: admin

राँझा, २२ पुस (रासस) : नेपालगञ्जस्थित भेरी अञ्चल अस्पताल तीनवटा प्रदेशका जिल्लाबाट पठाई आउने बिरामीको विशेषज्ञ उपचार केन्द्र (हब सेन्टर) बनेको छ । यस क्षेत्रका स्वास्थ्य संस्थामा प्राथमिक उपचारका लागि आउने सडक दुर्घटनालगायत विभिन्न रोगका गम्भीर बिरामीलाई सोझै भेरी अञ्चल अस्पतालमा प्रेषण गरिने भएकाले यो हब सेन्टर बन्न पुगेको हो । बाँकेमै नेपालगञ्ज मेडिकल कलेजको नेपालगञ्ज र कोहलपुरस्थित शिक्षण अस्पताल रहे पनि स्वास्थ्य सेवा विभागले भेरी अञ्चल अस्पताललाई मात्र आधिकारिक उपचार केन्द्रको मान्यता दिएको अस्पतालका निमित्त प्रमुख डा रुपानन्द अधिकारीले बताउनुभयो । “प्रादेशिक संरचनामा गएपछि भेरी अञ्चल अस्पताल खासगरी दाङ, बाँके र बर्दियाको लागि रिफर हब सेन्टर हो,” डा अधिकारीले भन्नुभयो, “तर कर्णाली प्रदेशको सुर्खेत, सल्यान, सुदूरपश्चिम प्रदेशको कैलाली कञ्चनपुरबाट समेत बिरामी यहाँ आउने गरेका छन् ।” शिक्षण अस्पताल कोहलपुर र नेपालगञ्जमा ठूलो सङ्ख्यामा बिरामी तथा घाइतेको प्रेषण हुने भए पनि प्रशासनिक कारणका कारण सरकारले आधिकारिक हब सेन्टरको मान्यता नदिएको उहाँले बताउनुभयो । “सेवा सुविधाको कुरो होइन शिक्षण अस्पतालहरु व्यवस्थित नै रहेका छन् तर प्रशासनिक जिम्मेवारीका आधारमा आधिकारिकता नभएको हुनुपर्छ,” उहाँले भन्नुभयो । 

महामारी तथा रोग नियन्त्रण महाशाखाका प्रमुख चिकित्सक प्रकाश शाहले रिफरल हब सेन्टर हुनका लागि विशेषज्ञ तालीम प्राप्त स्वास्थ्यकर्मी र पर्याप्त उपकरण हुनुपर्ने प्रावधान रहेको बताउनुभयो । “प्राथमिक उपचार त भइसकेको हुन्छ, हब सेन्टरमा बिरामी अथवा घाइतेको विशेषज्ञ उपचारको व्यवस्था हुनुपर्छ,” डा शाहले भन्नुभयो, “सडक दुर्घटनामा परी हातखुट्टा भाँचिएका व्यक्तिहरुको विशेषज्ञ उपचार हुने ट्रमा सेन्टरको यस क्षेत्रमा आवश्यकता छ ।” साबिकको मध्य तथा सुदूरपश्चिम क्षेत्र हालको प्रदेश ५, कर्णाली र सुदूरपश्चिम प्रदेशमा विशेषज्ञ अस्पताल नरहेकाले पनि भेरी अस्पताल नेपालगञ्जमा बिरामी तथा घाइते प्रेषण गर्नुपर्ने बाध्यता रहेको उहाँले बताउनुभयो । सरकारले भेरी अञ्चल अस्पताल नेपालगञ्जलाई विशेषज्ञ सेवासहितको अस्पतालमा रुपान्तरण गर्न सहमति दिएको छ । सडक दुर्घटनामा परी टाउकामा चोट लागेर भेरी अस्पताल नेपालगञ्जमा प्रेषण भएर आउने बिरामीको उपचारमा कठिनाइ हुने गरेको छ । भेरी अस्पतालमा न्यूरो सर्जन चिकित्सक नभएका कारण उनीहरुको विशेषज्ञ उपचार नहुने अवस्था रहेको छ । त्यस्ता बिरामीलाई सामान्य उपचार गरी काठमाडौँ वा लखनऊ प्रेषण गर्ने गरेको अस्पतालका निमित्त प्रमुख डा अधिकारीले जानकारी दिनुभयो । दरबन्दी रहे पनि भेरी अस्पताल डेढ दशकदेखि न्यूरो सर्जनविहीन छ । 

तपाईको प्रतिक्रिया

पर्वत, १२ चैत (रासस) : गण्डकी प्रदेशका मुख्यमन्त्री पृथ्वीसुब्बा गुरुङले विप्लव माओवादीको एजेण्डाविहीन.....

चितवन, १२ चैत (रासस): नेपाल कम्युनिष्ट पार्टी (नेकपा)का वरिष्ठ नेता एवं पूर्व प्रधानमन्त्री माधवकुमार नेपालले.....

काठमाडौँ, १० चैत (रासस) : प्रमुख निर्वाचन आयुक्त डा अयोधिप्रसाद यादवले आवधिक निर्वाचनको कार्यतालिका ऐन मै.....

राँझा, १२ चैत (रासस) : आठौँ राष्ट्रिय खेलकूद प्रतियोगिता हुने निश्चित भएपछि नेपालगञ्जवासी उत्साहित भएका छन् । गत.....

खाँदबारी, १२ चैत (रासस) : झोलुङ्गे पुल बनाउन सदरमुकाम खाँदबारीमा आठ दिने तालीम सञ्चालन गरिएको छ । तालीममा जिल्लाका.....

– रवीन्द्र काफ्ले फिदिम, १२ चैत (रासस) : पाँचथरको फिदिममा सञ्चालित फिदिम बृहत् खानेपानी तथा सरसफाइ आयोजनाको.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np