पर्यटन पदमार्गको पहिचान तथा नक्साङ्कन शुरु

प्रकाशित मिति: २० मंसिर २०७५, बिहीबार ११:३४   सम्पादक: admin

काठमाडौँ, २० मङ्सिर (रासस) : सिन्धुपाल्चोकको मेलम्ची नगरपालिकाले पर्यटन प्रवद्र्धन गर्न नगरपालिकाभित्रका मुख्य पर्यटकीय आकर्षणको केन्द्र तथा पदमार्गहरुको पहिचान तथा नक्साङ्कन शुरु गरेको छ । पर्यटनको क्षेत्रमा काम गरिरहेको इटालियन संस्था स्याटसँग मिलेर गरिमा भोयज ट्राभल्स एण्ड टुर्स प्रालिको सहजीकरणमा मेलम्ची नगरपालिकाका विभिन्न स्थानमा पर्यटन पदमार्गको नक्साङ्कन गरिएको प्रालिका प्रबन्ध निर्देशक रवीन्द्र अर्यालले जानकारी दिनुभयो । उहाँका अनुसार यही मङ्सिर छ देखि १२ गतेसम्म इटालीका पर्यटनविज्ञ र मेलम्ची नगरपालिकाले पर्यटकीय आकर्षणका केन्द्र र पदमार्गहरुको नक्साङ्कन गरेको हो । मेलम्ची नगरमा पर्यटन र कृषिको माध्यमबाट मेलम्चीलाई समृद्धितर्फ कसरी उन्मुख गराउन सकिन्छ भन्ने उद्देश्यले सो नक्साङ्कन कार्य गरिएको हो । काठमाडौँबाट २२ किमीको दूरीको भोटेचौर पातले छाँगो, चमेरे गुफालगायत अन्य चार महत्वपूर्ण गुफाको नक्साङ्कन गरिएको छ । नगरपालिकाको तपचुली डाँडा अर्को आकर्षण केन्द्र हो । यहाँ इलामको कन्याम बिर्साउने चिया बगान छ । चिया बगानबाट केही समयको यात्रापछि हैबुङग हँुदै चिसापानी डाँडामा पुग्न सकिन्छ । चिसापानीबाट चारैतिर मनोरम हिमालका दृश्य देख्न सकिन्छ ।

टोलीले भोदेचौरदेखि थाना भञ्ज्याङगढीसम्म पनि नयाँ पर्यटन पदमार्गको पहिचान गरेको छ । गढी पृथ्वीनारायण शाहले युद्ध लडेको ऐतिहासिक स्थान हो । उक्त गढी संरक्षणका लागि नगरपालिकाले पुरातत्व विभागसँग समन्वयन गरी ऐतिहासिक कुराको खोजी गरिने मेलम्ची नगरपालिकाका प्रमुख डम्बर अर्यालले बताउनुभयो । नगरपालिकाले पर्यटकीय केन्द्रको अलावा आगामी दिनमा पर्यटकीय पदमार्गको नक्साङ्कन गर्दै जाने प्रमुख अर्यालले बताउनुभयो । नगरपालिकाले गुफाडाँडा हुँदै प्रसिद्ध पर्यटकीयस्थल पाँचपोखरी जुगल हिमाल र दोर्जे लाक्पा हिमालसम्मको यात्राका लागि अर्को पदमार्गसमेत पहिचान गरेको छ । यसअघि मेलम्ची नगरपालिकाका प्रमुख अर्यालसहितको टोलीले इटालीको त्रेंतिनो प्रदेशको रोभेरेतो नगरपालिका पुगेर इटालीमा पर्यटनसम्बन्धी काम गरिरहेको संस्था (एसएटी)सँग पर्यटन विकासका लागि सहयोग गरिदिन आग्रह गरेको थियो । त्यसपछि पर्यटन पदमार्गको सम्भावनाको अध्ययनका लागि उक्त संस्थाबाट नौजना पर्यटन विज्ञ नेपालमा आएका थिए । उनीहरुकै सहयोग र गरिमा भोयजको सहकार्यमा पदमार्गको नक्साङ्कन गरिएको हो । सँगसँगै यो मार्गमा जिपिएस ट्र्याक पनि गरिएको छ । जसको कारणले नयाँ पर्यटकका लागि सजिलै बाटो पहिचान गर्न सकिनेछ भने सबै मार्गमा रातो र सेतो रङ लगाइएको छ ।

तपाईको प्रतिक्रिया

चितवन, १ पुस (रासस) : नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले देशैभरका मानिसको.....

बेझाड (पाल्पा), १ पुस (रासस) : पूर्वप्रधानमन्त्री एवं नेपाल कम्युनिष्ट पार्टीका अध्यक्ष पुष्पकमल दाहाल.....

काठमाडौँ, १ पुस (रासस): परराष्ट्रमन्त्री प्रदीपकुमार ज्ञवाली यही पुस २ गते बिहान संयुक्त राज्य अमेरिकाको भ्रमणमा.....

चितवन, १ पुस (रासस) : नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ले देशैभरका मानिसको.....

काठमाडौँ, १ पुस (रासस : ललितपुर प्याट्रीयट्स एभरेष्ट प्रिमियर लिग (इपिएल) टी ट्वान्टी क्रिकेट प्रतियोगिताको.....

–श्याम रिमाल काठमाडौँ, १ पुस । भारत पश्चिम बङ्गालस्थित कोलकातामा नेपाल भवन बनाउन पहल भएको छ । कोलकातावासी.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np