राजीका छोराछोरी प्राविधिक शिक्षा पढ्दै

प्रकाशित मिति: ६ कार्तिक २०७५, मंगलवार ०७:२४   सम्पादक: admin

– दुर्गा देवकोटा लम्की, ६ कात्तिक (रासस) : कैलालीमा रहेका राजी समुदायका छोराछोरी विस्तारै प्राविधिक शिक्षातर्फ आकर्षित हुन थालेका छन् । प्राविधिक शिक्षा पढ्दा रोजगारी पाउन सजिलो हुने भएपछि राजीका अधिकांश छोराछोरी उच्च शिक्षामा प्राविधिक विषय रोज्न थालेका हुन् । कैलाली जिल्लामा एसएलसी अर्थात एसइई उत्तीर्ण गरेका राजी समुदायका ३५ जना विद्यार्थीमध्ये ११ जनाले प्राविधिक विषय अध्ययन गरिरहेका छन् । राजी शाल्म समाजका अध्यक्ष चित्रबहादुर राजीका अनुसार तीमध्ये चारजना इञ्जिनीयर पढ्छन्, पाँचजना अनमी र दुईजना बाली विज्ञान विषयमा आइएससी एजी पढिरहेका छन् । प्राविधिक विषय अध्ययन गर्ने केहीले पूर्ण छात्रवृत्ति त कोही ५० प्रतिशत छात्रवृत्तिमा अध्ययन गरिरहेका छन् । चित्रबहादुरको आफ्ना चार सन्तानमा तीन वटाले प्राविधिक विषय अध्ययन गरिरहेको बताउनुभयो । उहाँका छोरा चितवन पोलिटेक्निक इन्ष्टिच्युटमा इञ्जिनीयर, छोरी स्वास्थ्य सहायक (एचए), बुहारी टीकापुर पोलिटेक्निक इन्सिच्युटमा बाली विज्ञान आइएससी एजी पढ्छिन् । टीकापुर–१ ज्योतिनगरवासी चित्रबहादुरले गाई र बाख्रापालन गर्दै आएनुभएको छ ।

उहाँले भन्नुभयो, ‘‘सामाजिक सुरक्षा भत्ताको रकमले घरखर्च चल्छ । गाईको दूध बेचेर र बाख्रापालनबाट हुने आम्दानी छोराछोरीको पढाइमा खर्र्चेको छु ।’’ इञ्जिनीयर अध्ययन गरिरहेका छोरा रामेश्वरले ५० प्रतिशत छात्रवृत्ति पाउनुभएको छ । रामेश्वरले भन्नुभयो, ‘‘सरकारले राजी समुदायलाई छात्रवृत्तिजस्ता अवसरमा प्राथमिकता दिएकाले पढिरहेको छु । मासिक रुपमा पाइने दुई हजार सामाजिक सुरक्षा भत्ताले पकेट खर्च चल्ने गरेको छ ।’’ रामेश्वरले भन्नुभयो, ‘‘बाँकी अपुग रकम घरबाट बुबाआमाले मजदुरी गरेर पठाउनु हुन्छ, केही ऋणसमेत लागेको छ । पढेपछि कमाएर तिर्छु ।’’ कपिलबस्तुमा छात्रवृत्तिमै अनमी अध्ययन गरिरहेकी कान्ति राजीलाई एसएलसी पासपछि अनमी पढ्न पाउछु जस्तो लागेको थिएन, आवेदन खुलेको थाह पाएपछि दाजु प्रेम राजीले फारम भराइदिए । छात्रवृत्तिमा नाम निस्किँदा कान्तिको खुशीको सीमा रहेन । कान्ति भन्नहुन्छ, ‘‘म अनमी पढेर सकेपछि कैलालीमै गएर सेवा गर्ने रहर छ । मेहनत गरेर पढिरहेकी छु । खुशी लागेको छ ।’’ टीकापुर नगर कार्यपालिकाका सदस्य डम्बर राजीले विगतमा नदी किनारमा माछा मार्ने, सुन चाल्ने काम गरेर जीविका चलाउ“दै आएका राजी समुदायका मानिस पछिल्लो समय व्यवसायतिर पनि आकर्षित हुन थालेका बताउनुभयो ।

राजीले भन्नुभयो, ‘‘आजभोलि हाम्रो समुदायका मानिस बाख्रापालन, खेतीपाती, कुखुरापालन, किराना पसल सञ्चालनजस्ता कार्य गरिरहेका छन् । अब जीविकोपार्जनका लागि माछा मार्नुपर्ने वा पेट पाल्नका लागि गिठा भ्याकुर खोज्न जङ्गल जाने कार्य अन्त्य भइसकेको छ ।’’ विसं २०४० भन्दा अघि जिल्लाभरिका राजी परिवार साविकको सुगरखाल गाविस हालको मोहन्याल–६ सोल्टामा नदी किनारमा बस्थे । उनीहरुको रोजीरोटी भनेको दिनभरि नदीमा माछा मार्ने, सुन चाल्ने र खानेकुरा जङ्गलको गिठा र भ्याकुर हुन्थ्यो । हाल राजीको खानपान र जीवनशैली समेत बदलिएको छ । डम्बर भन्नुहुन्छ ‘‘आजभोलि राजीले छोराछोरी पढाउनुपर्छ भन्ने बुझेका छन् । सबैका बालबालिका विद्यालय जान्छन् ।’’ बाउन्न बर्षीया रिठीदेवी राजीले मजदूरी जस्ता काम गरेर जीविका चलिरहेको बताउँदै भन्नुभयो, ‘‘कहिलेकाही समयमै भत्ता पाइँदैन । सरकारले राम्रै गरेको छ । हामीलाई सहयोग गरेकै कारण हाम्रा बालबालिकाले पढ्न पाए ।’’ टीकापुरमा राजीका हरेक परिवारसँग टीकापुर विकास समितिले २०४० सालमा दिएको दुई÷दुई कठ्ठा जमीन मात्रै छ । उनीहरुको घर ज्याला मजदूरीको भरमा चल्छ । राजी समुदायका सबै नागरिक छिमेकमा मजदूरी गर्छन् । पछिल्लो समय राजी समुदायका युवा मोटरसाइकल मर्मत, वाइरिङ जस्ता कार्य समेत गर्न थालेका छन् । कैलाली जिल्लामा चार सय परिवार राजी बस्दै आएका छन् । जसमा दुई हजार ७३ जनाले सामाजिक सुरक्षा भत्ता मासिक दुई हजार बुझ्दै आएका छन् । सरकारले जनता आवास कार्यक्रममार्फत् सबै राजी परिवारलाई दुई कोठे पक्की घरसमेत निर्माण गरिदिएको छ । राजी समुदायका लागि सरकारले पनि क्षमता विकास, आयआर्जन जस्ता कार्यमा सघाउने गरेको छ ।

तपाईको प्रतिक्रिया

प्रदेश नं २ का मुख्यमन्त्री लालबाबु राउतले विकास निर्माणका काममा एकजुट भएर अघि बढ्न स्थानीय तहका प्रमुखलाई.....

नेपाल कम्युनिष्ट पार्टी (नेकपा) का अध्यक्ष पुष्पकमल दाहाल ‘प्रचण्ड’ ले भारतका प्राधनमन्त्री नरेन्द्र मोदी.....

: उद्योग वाणिज्य तथा आपूर्तिमन्त्री मातृकाप्रसाद यादवले तीन वटै तहका सरकारबीच समन्वय कायम हुनसके मात्र.....

नेपाल स्काउटको आयोजनामा नेपालमा पहिलोपटक १६ वर्षदेखि २६ वर्षसम्मका स्काउटमा लागेका युवाको भेला ‘रोभर मुट’.....

प्रदेश नं २ का मुख्यमन्त्री लालबाबु राउतले विकास निर्माणका काममा एकजुट भएर अघि बढ्न स्थानीय तहका प्रमुखलाई.....

काबुल, १० जेठ (रासस÷एएफपी) – राष्ट्रसंघले अफगानिस्तानमा गरिएका पछिल्ला हवाई आक्रमणमा कम्तीमा १४ जना सर्वसाधारण.....

सुदर्शन बजगाई  - काठमाडौं जिल्ला गोकर्णेश्वर नगरपालिका वडा नं.८ आत्तरखेलमा निम्न मध्यम वर्गीय परिवारमा मिति.....

सुदर्शन बजगाई  - काठमाडौं जिल्ला कागेश्वरी मनोहरा नगरपालिका वडा नं.२ आकासी बगरमा मध्यम वर्गीय किसान परिवारमा.....

सुदर्शन बजगाई - सरकारले बैशाख ३१ गतेको लागि तय गरेको स्थानीय निकयको चुनाबले देशको राजनीति मात्र होइन हरेक टोल.....

२०४६ सालबाट नेविसंघबाट राजनीति सुरु गरेका दिपक रिसाल गोकर्णेश्वर नगरपालिकाको लागि मेयरको चर्चामा छन् । चतुर.....

समाजसेवी कोमल लामिछानेले जनताको अनुरोध अनुसार आफु पनी मेयरको दावेदार बन्ने तरखरमा रहेको गोकर्णेश्वर अनलाइनलाई.....

© २०७3 सर्वाधिकार सुरक्षित, wwww.Gokarneshworonline.com, Design By: www.ekumar.com.np